Ձերբակալված ադրբեջանցուն մեկ ամսով կարող են տեղափոխել մեկուսարան. փաստաբան

Ադրբեջանցի Քյամիլ Զեյնալլիին մեկ ամսով կարող են տեղափոխել մեկուսարան: Այս մասին ադրբեջանական լրատվամիջոցին ասել է նրա փաստաբան Էլման Փաշաևը:

Նշվում է, որ այդ ընթացքում, ռուսական օրենսդրության համաձայն, Հայաստանը պետք է փաստաթղթերը փոխանցի ՌԴ գլխավոր դատախազություն։

«Ադրբեջանի և Հայաստանի միջև խաղաղության պայմանագիր չի ստորագրվել։ Այդ պատճառով Ռուսաստանը ոչ մի պարագայում չի կարող նրան փոխանցել Հայաստանին», - ասել է Փաշաևը։

Հիշեցնենք՝ ավելի վաղ ադրբեջանական լրատվամիջոցները գրել էին, որ Հայաստանի պահանջով Մոսկվայում ձերբակալվել է Ադրբեջանի քաղաքացի Քյամիլ Զեյնալլին: ՀՀ ՆԳՆ–ն ավելի ուշ հաստատեց` ադրբեջանցի Քամիլ Զեյնալլիի նկատմամբ միջպետական հետախուզում կա