Մարմարա ծովում թուրքական բեռնանավ է խորտակվել
Թուրքիայի դրոշի տակ գտնվող բեռնանավը խորտակվել Է Մարմարա ծովում, դրանում եղել է 6 նավաստի: Սկսվել են նրանց որոնումները։
Այս մասին հայտնել է Բուրսայի նահանգապետ Մահմութ Դեմիրթաշը, որի մոտակայքում տեղի է ունեցել միջադեպը: Փոխանցում է ՏԱՍՍ-ը։
«69-մետրանոց Batuhan բեռնանավում վեց մարդ է գտնվում, նրանք բոլորը Թուրքիայի քաղաքացիներ են։ Սկսվել են նրանց որոնողափրկարարական աշխատանքները», - ասել է նա։
Նրա խոսքով՝ դեպքի մասին ահազանգը ստացվել է առավոտյան՝ տեղական ժամանակով 06:20-ի սահմաններում: Դեպքի վայր են ուղարկվել առափնյա պահպանության ծառայության երեք փրկարարական մոտորանավակներ և ուղղաթիռ: Նավաստիների որոնումները դժվարացել են ուժեղ ալիքներով, ասել Է նահանգապետը։
