Տրանսպորտի սակագնի թանկացման հարցի քննարկումն այսօր տեղի կունենա, քվեարկությունը՝ ոչ․ Ավինյան

Երեւանի ավագանու այսօրվա՝ փետրվարի 13-ի նիստի 16 հարցերից 11-ը չզեկուցվող են: Այս մասին այսօր՝ փետրվարի 13-ին, Երեւանի ավագանու նիստի մեկնարկին նշել է քաղաքապետ Տիգրան Ավինյանը:

ՔՊ խմբակցությունից Նուարդ Վարդանյանն առաջարկել է մնացած հարցերը ևս, բացառությամբ տրանսպորտի թանկացմանը վերաբերող հարցի, դարձնել չզեկուցվող ելնելով իրավիճակից:

«Այնտեղ փողոցների անվանակոչության և այլ հարցեր կան, որոնք կարծում եմ՝ այսօր հեչ տեղին չի զեկուցել»,-ասաց նա: Այս առաջարկն ընդունվել է:

Տիգրան Ավինյանը հայտարարել է, որ տրանսպորտի թանկացման հարցի քննարկումն այսօր տեղի կունենա, բայց քվեարկություն տեղի չի ունենա. «Քվեարկությունից առաջ հարցը կհանվի օրակարգից: Բայց նաև շատ կարևոր է, որ այս քննրկումների արդյունքում մենք գանք որոշակի լուծումների»,-ասաց նա: