Որ նոր «iPhone» է դուրս գալիս, ինչո՞ւ են ձգտում դրան․ Սուքիասյան

Սահմանադրությունը պետք է փոխվի և նոր ժամանակներին համարժեք դարձվի։ Այս մասին լրագրողների հետ զրույցում հայտնեց «Քաղաքացիական պայմանագիր» խմբակցության պատգամավոր Խաչատուր Սուքիասյանը։

«Հիմա դուք ասում եք, որ ձեր տատիկի` 50 տարի առաջվա ինչ–որ մի բանը պետք է նայեք`լավն է, թե ավելի լավը կա, բայց հարգում եք տատիկին, ասում եք` ես սա պահում եմ որպես պատմություն։ Պատմություն պահեք, բայց արդեն նոր ժամանակներում մրցունակ լինելու համար։ Բա դուք թրենդներին չե՞ք հետևում։ Որ նոր «iPhone» է դուրս գալիս, ինչո՞ւ են ձգտում դրան»,- ասաց Սուքիասյանը։

Նա վստահեցրեց, որ հարգում է գործող Սահմանադրությունը, բայց այն համարժեք է եղել նախկին իրողությանը, իսկ հիմա պետք է ստեղծել նորը, որ այսօրվա իրողությանը համարժեք լինի։