Այս պահին ոչ մի քննարկում կամ առաջարկ չկա․ Պետեր Ստանո
Եվրամիությունում առայժմ քննարկումներ չեն ընթանում ամերիկացի լրագրող Թաքեր Կարլսոնի նկատմամբ անձնական պատժամիջոցներ սահմանելու հնարավորության շուրջ՝ Ռուսաստանի նախագահ Վլադիմիր Պուտինի հետ հարցազրույցի պատճառով: Այս մասին հայտարարել է ԵՄ արտաքին քաղաքական ծառայության ներկայացուցիչ Պետեր Ստանոն։
«Ես կարող եմ ասել, որ այս պահին ոչ մի քննարկում կամ առաջարկ չկա՝ կապված այդ լրագրողի դեմ պատժամիջոցներ կիրառելու հետ», – ասել է նա Բրյուսելում կայացած մամուլի ասուլիսում:
Բացի այդ, ինչպես հայտնել Է ԵՀ պաշտոնական ներկայացուցիչ Յոհաննես Բարկը, Բրյուսելը պատժամիջոցների տարբերակներ չի դիտարկում նաև X սոցցանցի նկատմամբ, որտեղ կտեղադրվի Ռուսաստանի առաջնորդի հետ հարցազրույցը:
Ավելի վաղ Newsweek պարբերականը, հղում անելով Եվրախորհրդարանի գործող և նախկին պատգամավորներին, հայտնել էր, որ ԵՄ-ն կարող է սահմանափակումներ մտցնել իր տարածքում Կառլսոնի նկատմամբ:
