Ադրբեջանական լրատվամիջոցներն անհիմն մեղադրանքներ են հրապարակել ՀՀ-ում ԵՄ առաքելության հասցեին․ Ադրբեջանում ԵՄ դեսպան

Ադրբեջանում ԵՄ դեսպան Պետեր Միչալկոն հերքել է Հայաստանում ԵՄ դիտորդների հասցեին մեղադրանքները, որոնք իբր թե ինչ-որ բան են ծրագրում Ադրբեջանի դեմ։ Այս մասին նա գրել է X-ի իր միկրոբլոգում։

«Ցավում եմ, որ վերջին օրերին ադրբեջանական որոշ լրատվամիջոցներ բացարձակապես անհիմն մեղադրանքներ են հրապարակել Հայաստանում ԵՄ առաքելության հասցեին։ Ես ընդգծում եմ, որ ԵՄ-ն քաղաքացիական, անզեն առաքելություն է, և նրա մանդատը դիտորդական առաքելություն է: Առաքելության ներկայությունը նպատակ ունի նպաստել կայունության և վստահության ամրապնդմանը: ԵՄ-ն կշարունակի իր ջանքերը՝ աջակցելու Ադրբեջանի և Հայաստանի միջև խաղաղ կարգավորմանը»,- գրել է նա։