Քաղաքականություն

Անշուշտ, մենք հետևում ենք ամբողջ տեղեկատվությանը․ Պեսկով

Անշուշտ, մենք հետևում ենք ամբողջ տեղեկատվությանը․ Պեսկով
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Կրեմլը հետևում է Ուկրաինայի ֆինանսավորման հետ կապված իրավիճակին: Տեղեկությունը փոխանցում է gazeta.ru-ն։ Փետրվարի 1-ին Բրյուսելում…

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Կրեմլը հետևում է Ուկրաինայի ֆինանսավորման հետ կապված իրավիճակին: Տեղեկությունը փոխանցում է gazeta.ru-ն։ 


Փետրվարի 1-ին Բրյուսելում կկայանա ԵՄ հատուկ գագաթնաժողովը, որտեղ կքննարկվի նաև Ուկրաինային 50 մլրդ եվրո հատկացնելու հարցը:


«Անշուշտ, մենք հետևում ենք ամբողջ տեղեկատվությանը։ Մենք հասկանում ենք, որ Կիևը շարունակում է խնդիրներ ունենալ։ Խնդիրներ ունի նաև Հավաքական Արևմուտքը։ Կհետևենք որոշումների ընդունման գործընթացին»,- ասել է Կրեմլի ներկայացուցիչը։


Բրիտանական Financial Times թերթը հայտնել է, որ Եվրամիության երկրների ղեկավարները փետրվարի 1-ին կայանալիք հատուկ հանդիպման ժամանակ վերջին փորձը կձեռնարկեն համոզել Հունգարիայի վարչապետ Վիկտոր Օրբանին հավանություն տալ Ուկրաինային ԵՄ-ից 50 մլրդ եվրոյի չափով օգնություն տրամադրելուն:


Politico-ի տվյալներով՝ Եվրամիությունում «Բ» պլան են մշակել Ուկրաինային օգնելու համար՝ շրջանցելով Հունգարիայի վետոն։ Այն այնպիսին է, որ եթե Օրբանն, այնուամենայնիվ, արգելափակի Ուկրաինային 50 մլրդ եվրոյի չափով օգնության փաթեթի հատկացումը, ԵՄ երկրները ներկայացուցիչների նոր հանդիպման ընթացքում կաջակցեն խաղաղության եվրոպական հիմնադրամի ֆինանսավորման ավելացմանը՝ փորձելով միջանկյալ համաձայնության հասնել Բրյուսելի եւ Բուդապեշտի միջեւ:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8263) Միջազգային (3567) ԱՄՆ (2406) Ռուսաստան (2321) Իրան (1807) Ընտրություններ (1286) Ուկրաինա (944) Երևան (830) Իսրայել (771) Ադրբեջան (688) Փաշինյան (623) Եվրոպա (539) Ազգային ժողով (527) Ընդդիմություն (504) Թրամփ (464)

Radio Aurora

Լսել Radio Aurora

Գովազդային տարածք

300x250