Գերմանիան և ԱՄՆ-ն առայժմ դեմ են ՆԱՏՕ-ին Ուկրաինայի անդամակցությանը
2024 թվականին Վաշինգտոնում կայանալիք առաջիկա գագաթնաժողովի ժամանակ Ուկրաինայի գործընկերները ձգտում են ՆԱՏՕ–ի կողմից պաշտոնական հրավեր ուղարկել Կիևին՝ դառնալու դաշինքի անդա․ այդ առաջարկին այս փուլում դեմ են ԱՄՆ-ն և Գերմանիան։ Այդ մասին հայտնել է «Foreign Policy» պարբերականը՝ վկայակոչելով իր աղբյուրները։
Ուկրաինայի՝ դաշինքում ընդգրկված արևելաեվրոպական գործընկերները ցանկանում են, որ հրավերը հնարավորինս շուտ լինի, բայց Վաշինգտոնն ու Բեռլինը զգուշավոր են այդ առաջարկի նկատմամբ և «լուրջ կուլիսային դիմադրություն են ցուցաբերում»: Ընդ որում, ինչպես նշվում է հոդվածում, Ֆրանսիան պատրաստ է պաշտոնական հրավեր ուղարկել Կիևին։ ՆԱՏՕ-ի մյուս անդամները, հիմնականում՝ ԱՄՆ-ն և Գերմանիան, կարծում են, որ դեռ վաղ է սկսել Ուկրաինան դաշինք ընդգրկելու գործընթացը, քանի դեռ Ռուսաստանի սանձազերծած պատերազմը շարունակվում է:
Երկու երկրների իշխանությունները պնդում են, որ Ուկրաինան, ի վերջո, պետք է անդամակցի դաշինքին, բայց հիմա այդ գործընթացը սկսելու ժամանակը չէ։ Նրանք ընդգծում են, որ մոտ ապագայում անհրաժեշտ է կենտրոնանալ Ուկրաինային սպառազինությունների մատակարարման շարունակականության վրա։
