Կասկած կա, որ մեր որոշումները գալիս են վերևից. ՀՌՀ նախագահ
Կասկած կա, որ Հեռուստատեսության և ռադիոյի հանձնաժողովը չի աշխատում անկախ եւ որոշումները ինչ-որ չափով գալիս են վերեւից: Այս մասին, այսօր մամուլի ասուլիսի ժամանակ նշեց Հեռուստատեսության և ռադիոյի հանձնաժողովի նախագահ Տիգրան Հակոբյանը:
«Պարզ է՝ հավատալը-չհավատալը ձեր իրավունքն է, բայց մենք որոշումներն ընդունում ենք ինքնուրույն: Ոչ մի կառույց Հայաստանում որեւէ անգամ չի կանխորոշել մեր որոշումներն ու աշխատանքը: Իհարկե, փորձեր եղել են, վերջերս անգամ այդ փորձերը չկան, որովհետեւ բոլորը հասկանում են, որ դա առաջինը արդյունավետ չի, երկրորդն էլ հակասում է այն արժեքներին, որոնք փորձում է որդեգրել մեր հանձնաժողովը»,-նշեց Հակոբյանը:
