Մարտերը միայն ուժեղանում են․ Բորել
Եվրոպական դիվանագիտության ղեկավար Ժոզեպ Բորելը հայտարարել է, որ լույս չի տեսնում ուկրաինական հակամարտության թունելի վերջում: Այս մասին հայտնում Է ՏԱՍՍ-ը։
«Պատերազմը շարունակվում է, և մարտերը միայն ուժեղանում են, և մենք լույս չենք տեսնում ուկրաինական թունելի վերջում»,- հայտարարել է Բորելը:
Բորելը նաեւ նշել է, որ ԵՄ պատժամիջոցներն անզոր են ռուսական պաշտպանական արդյունաբերության դեմ, փոխանցում է RT-ն ։
Նրա խոսքով՝ Եվրամիությունն արդեն բավական խոշոր պատժամիջոցներ է սահմանել ՌԴ-ի նկատմամբ, որոնք թուլացրել են ռուսական պաշտպանական արդյունաբերությունը, սակայն չեն վերացրել այն:
Մինչ այդ Բորելը հայտարարել էր, որ Եվրամիության երկրները շատ հաճախ ձգձգում էին Ուկրաինային անհրաժեշտ օգնության մատակարարումները։ Դիվանագետի խոսքով՝ ԵՄ-ն պետք է վերանայի Կիևին օգնության ռազմավարությունը և «քանի դեռ դա անհրաժեշտ է» դիրքորոշումից անցնի օգնության «ամեն գնով»: Եվրոդիպլոմատիայի ղեկավարը նաև կոչ է արել Կիևին տրամադրել բարձր հեռահարության հրթիռներ և սպառազինության այլ ժամանակակից համակարգեր:
Ի դեպ ռուսական կողմը հայտնում է որ Ռուսաստանի զինված ուժերն ազատագրել են Խարկովի մարզի Տաբաևկա բնակավայրը: Այս մասին հայտնել Է ՌԴ պաշտպանության նախարարության պաշտոնական ներկայացուցիչ գեներալ-լեյտենանտ Իգոր Կոնաշենկովը:
Ուկրաինական կողմից մեկնաբանություն դեռևս չկա:
