Պուտինն ու Լուկաշենկոն երկկողմ հանդիպում կանցկացնեն. Պեկսով

Ռուսաստանի Դաշնության և Բելառուսի նախագահներ Վլադիմիր Պուտինը և Ալեքսանդր Լուկաշենկոն, որոնք շաբաթ՝ հունվարի 27-ի կեսօրին, մասնակցել են Լենինգրադի մարզում նացիստական ցեղասպանության զոհերի հիշատակին նվիրված հուշահամալիրի բացման արարողությանը երեկոյան կշարունակեն իրենց ոչ պաշտոնական շփումը, իսկ կիրակի օրը նրանք երկկողմ հանդիպում կանցկացնեն։ Այս մասին հայտարարել է ՌԴ ղեկավարի մամուլի քարտուղար Դմիտրի Պեսկովը։

«Ե՛վ այսօր, և՛ վաղը առաջնորդների ոչ պաշտոնական շփումը կշարունակվի։ Վաղը նախատեսվում է երկկողմ հանդիպում»,- լրագրողների հետ զրույցում նշել է Կրեմլի ներկայացուցիչը։

Հիշեցնենք, որ հունվարի 27-ին Ռուսաստանը նշում է շրջափակումից  Լենինգրադի ազատագրման 80-ամյակը։