ԱՄՆ Սենատը կարող է սահմանափակել անօրինական ներգաղթյալների մուտքը երկիր Ուկրաինային տրամադրվող օգնության դիմաց. CNN
Մոտ ապագայում ԱՄՆ Սենատում կարող է ներկայացվել օրինագիծ, որը հնարավորություն կտա էապես սահմանափակել անօրինական միգրանտների կողմից երկրի հարավային սահմանի հատումը։ Դրա ընդունումն իր հերթին թույլ կտա ապաարգելափակել Ուկրաինային տրամադրվող օգնությունը։ Այս մասին հայտնում է CNN-ը։
Լրատվամիջոցների տեղեկություններով՝ համաձայնագիրը պատրաստվում է մի խումբ ազդեցիկ սենատորների կողմից։ Եթե ընդունվի, ապա անօրինական միգրանտների կողմից հարավային սահմանի հատումը զգալիորեն կսահմանափակվի։ Այն նաև կարագացնի ապաստանի տրամադրման գործընթացը մինչև վեց ամիս, որը ներկայումս կարող է տևել մինչև տասը տարի:
Սենատը հուսով է, որ նման համաձայնագրերի շնորհիվ հնարավոր կլինի ապաարգելափակել Իսրայելին, Թայվանին և Ուկրաինային տրամադրվելիք օգնության համաձայնագիրը, որը անցյալ տարեվերջին չհաստատվեց ԱՄՆ Կոնգրեսի կողմից:
