Ուկրաինայի կողմից ռուսական Իլ-76 ինքնաթիռի խոցումն ահաբեկչություն է. Ռուսաստանը դիմել է միջազգային կազմակերպություններին
Ռուսաստանի Դաշնության նախագահի խորհրդական, ՌԴ Մարդու իրավունքների խորհրդի նախագահ Վալերի Ֆադեևը դիմել է միջազգային կազմակերպություններին` պահանջելով դատապարտել Ուկրաինային ռուսական Իլ-76 ինքնաթիռի խոցման համար, որում եղել են ուկրաինացի ռազմագերիներ:
Նա միջազգային կազմակերպություններին կոչ է արել օգտագործել իրենց ազդեցությունը և բոլոր հնարավոր միջոցները պաշտոնական Կիևի վրա ազդելու համար՝ դադարեցնելու մարդու իրավունքների կոպտագույն խախտումները։
«Ուկրաինացի զինվորականները քաջ գիտակցում էին, որ այս ինքնաթիռը մարդասիրական առաքելություն էր իրականացնում և օգտագործվում էր որպես գերիների փոխանակման կազմակերպման մաս: Ուկրաինան ի սկզբանե ճանաչել էր ռուսական ինքնաթիռի վրա հարձակումը: Այս գործողությունները կարող են որակվել միայն որպես ահաբեկչություն, ինչը հակասում է պատերազմի ընդհանուր ընդունված կանոններին և սովորույթներին»,- ասել է Ֆադեևը։
Այսօր դիմումն ուղարկվել է ՄԱԿ-ի Մարդու իրավունքների գերագույն հանձնակատար Ֆոլքեր Թյուրքին, ԵԱՀԿ ազգային փոքրամասնությունների հարցերով գերագույն հանձնակատար Կայրաթ Աբդրախմանովին, Կարմիր խաչի միջազգային կոմիտեին, Amnesty International-ին, Եվրախորհրդարանին և Եվրոպայի խորհրդին։
