Մոսկվան ժամանակին տեղեկացրել է Կիևին Իլ-76-ով ռազմագերիների տեղափոխման մասին. Պեսկով

Մոսկվան ժամանակին տեղեկացրել է Կիևին Իլ-76 ինքնաթիռով ռազմագերիների տեղափոխման մասին, որը խոցվել է Ուկրաինայի զինված ուժերի կողմից Բելգորոդի մարզում։ Այս մասին Известия-ին հայտնել է ՌԴ նախագահի մամուլի քարտուղար Դմիտրի Պեսկովը։

«Այստեղ ես առաջարկում եմ, ամեն դեպքում, կենտրոնանալ այն հաղորդագրությունների վրա, որոնք եղել են մեր կողմից։ Հենց մեր ներկայացուցիչներն են ասել, որ նման հաղորդագրությունները ժամանակին են հնչել»,- ասել է Պեսկովը։

 Հունվարի 24-ին Ուկրաինայի ՊՆ-ն հայտարարել էր, թե Կիևը չի իմացել, թե ով է եղել ինքնաթիռում, մինչդեռ իրենք հաստատել են, որ այդ օրը կողմերի միջև պետք է ռազմագերիների փոխանակում տեղի ունենար։ Բացի այդ, գերատեսչությունը Ռուսաստանին մեղադրել է Ուկրաինայում իրավիճակն ապակայունացնելու և նրա միջազգային աջակցությունը թուլացնելու փորձերի մեջ։