Ադրբեջանը դիտարկում է Եվրոպայի Խորհրդից դուրս գալու հնարավորությունը. ԶԼՄ–ներ

Ադրբեջանը մտադիր է համարժեք պատասխանել Եվրոպայի Խորհրդի Խորհրդարանական վեհաժողովի (ԵԽԽՎ) ՝ ադրբեջանական պատվիրակության լիազորությունները չհաստատելու որոշմանը: 

«Ադրբեջանը մտադիր չէ համակերպվել այդ անարդար և կանխակալ վերաբերմունքի հետ, և ներկայումս պաշտոնական Բաքուն դիտարկում է ոչ միայն ԵԽԽՎ-ից, այլև ընդհանրապես Եվրոպայի Խորհրդից դուրս գալու ընթացակարգը»,– հայտնում են ադրբեջանական ԶԼՄ–ները՝ վկայակոչելով աղբյուրներ:

Նշվում է, որ Ադրբեջանը կարող է նաև հրաժարվել ճանաչել Մարդու իրավունքների եվրոպական դատարանի իրավասությունը։ Նշենք, որ հունվարի 24–ին Եվրոպայի խորհրդի խորհրդարանական վեհաժողովը (ԵԽԽՎ) չի վավերացրել կազմակերպությունում ադրբեջանական պատվիրակության լիազորությունները։ Այս որոշմանը կողմ է քվեարկել 76, դեմ՝ 10, ձեռնպահ՝ 4 պատգամավոր։