Մոնղոլիայի մայրաքաղաքում պայթել է 60 տոննա գազ տեղափոխող բեռնատար
Մոնղոլիայի մայրաքաղաք Ուլան Բատորի խոշոր «Դունջինգարավ» շուկայի մոտակայքում 60 տոննա գազ տեղափոխող բեռնատարի պայթյունից առաջացած հրդեհ է սկսվել։ Այս մասին հայտնում է ՏԱՍՍ-ի թղթակիցը։
Արտակարգ իրավիճակների գլխավոր վարչությունից հայտնում են, որ դեպքի վայրում են հրշեջները, շտապօգնության և ոստիկանության աշխատակիցները։ Տեղի բնակիչների խոսքով՝ պայթյունից հետո կրակն արագ տարածվել է մոտակա մեքենաների և հարևան բնակելի շենքերի վրա։
Ավելի ուշ Մոնղոլիայում ՏԱՍՍ-ի թղթակիցը հայտնել է, որ հրդեհը մեկուսացվել է, սակայն մոտակա տների բնակիչներին խորհուրդ են տվել տարհանվել՝ այրման վնասակար նյութերը չշնչելու համար։
