Մենք շարունակում ենք մեր հատուկ ռազմական գործողությունը․ Պեսկով

Կիևում և Խարկովում տեղի ունեցած պայթյունները չի կարելի «պատասխան» համարել Դոնբասին Ուկրաինական հարվածներին, ռուս զինվորականները չեն հարվածում խաղաղ բնակչությանը և քաղաքացիական օբյեկտներին՝ ի տարբերություն Կիևի ռեժիմի։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը: Տեղեկուէյունը փոխանցում է ՌԻԱ Նովոստին։

Ավելի վաղ Ուկրաինայի ողջ տարածքում հայտարարվել էր օդային տագնապ։ ԶԼՄ-ները հաղորդել են Կիևում, Խարկովում, Դնեպրոպետրովսկի և Սումիի շրջաններում տեղի ունեցած պայթյունների մասին:

«Ոչ, չի կարելի։ Մենք շարունակում ենք մեր հատուկ ռազմական գործողությունը, և մեր զինվորականները չեն հարվածում սոցիալական օբյեկտներին և բնակելի թաղամասերին և չեն հարվածում խաղաղ բնակչությանը՝ ի տարբերություն Կիևի ռեժիմի։ Դա այն է, ինչն արմատապես տարբերում է մեր զինվորականներին Կիևի ռեժիմի զինվորականներից»,- ասել Է Պեսկովը՝ պատասխանելով այն հարցին, թե կարելի է ասել, որ Կիևին և Խարկովին ուղղված հրթիռային հարվածները «Ռուսաստանի պատասխանն» են Դոնեցկի վերջին գնդակոծություններին։

Հունվարի 21-ի առավոտյան ուկրաինական զորքերը հարված են հասցրել Դոնեցկի Կիրովի շրջանին։ Հրետանային կրակի տակ է հայտնվել Տեքստիլշչիկի միկրոշրջանի շուկայի տարածքը։ Վերջին տվյալներով՝ զոհվել է 27 մարդ, ևս 26-ը վիրավորվել են, նրանցից 18-ը հոսպիտալացվել են: Երկուշաբթի օրը ԴԺՀ-ում սգո օր էր։