Քաղաքականություն

Հայաստանը նոր դաշնակիցներ է փնտրում․ Արարատ Միրզոյան

Հայաստանը նոր դաշնակիցներ է փնտրում․ Արարատ Միրզոյան
Հայաստանի արտգործնախարար Արարատ Միրզոյանը հաստատել է, որ Հայաստանը նոր դաշնակիցներ է փնտրում։ Այս մասին այսօր լրագրողների հետ հանդիպմանը նշել է նախարարը՝ վստահեցնելով, որ ռացիոնալ մտածող…

Հայաստանի արտգործնախարար Արարատ Միրզոյանը հաստատել է, որ Հայաստանը նոր դաշնակիցներ է փնտրում։ Այս մասին այսօր լրագրողների հետ հանդիպմանը նշել է նախարարը՝ վստահեցնելով, որ ռացիոնալ մտածող յուրաքանչյուր հասարակություն միշտ պետք է ջանքեր գործադրի նոր դաշնակիցներ գտնելու համար։


Միրզոյանի խոսքով՝ մեզ համար սա ուղղակի պահանջ է 2020 թվականի պատերազմի ողբերգությունից և դրան հաջորդած իրադարձություններից հետո, երբ բախվեցինք դաշնակիցների կողմից աջակցության մեխանիզմների անգործության իրավիճակին, համենայն դեպս մեր սպասելիքները չարդարացան։


«Բնականաբար, մենք սկսեցինք նոր դաշնակիցներ փնտրել, առաջին հերթին՝ անվտանգության ոլորտում խնդիրները լուծելու համար»,- ասաց նախարարը՝ միաժամանակ հերքելով անվտանգության այլ համակարգերին վերաբերող փաստաթղթերի ստորագրման մասին տեղեկությունը։


Միաժամանակ նախարարը հիշեցրեց մեխանիզմների ներդրումը, որոնք բարձրացրել են սահմանին անվտանգության մակարդակը՝ ի դեմս ԵՄ առաքելության։ Նախարարը հատուկ ուշադրություն դարձրեց Հայաստանի Հանրապետության տարածքային ամբողջականության և սահմանների անձեռնմխելիության վերաբերյալ գործընկերների հայտարարություններին։ Մեզ համար չափազանց կարևոր են տարածաշրջանում նոր սահմաններ գծելու փորձերի դեմ հայտարարությունները, նշել է արտգործնախարարը։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8263) Միջազգային (3567) ԱՄՆ (2406) Ռուսաստան (2321) Իրան (1807) Ընտրություններ (1286) Ուկրաինա (944) Երևան (830) Իսրայել (771) Ադրբեջան (688) Փաշինյան (623) Եվրոպա (539) Ազգային ժողով (527) Ընդդիմություն (504) Թրամփ (464)

Radio Aurora

Լսել Radio Aurora

Գովազդային տարածք

300x250