Թինա Կանդելակիի մուտքը Ղազախստան արգելվել է

TNT հեռուստաալիքի տնօրեն, «Gazprom Media Entertainment Television»-ի կառավարիչ տնօրեն Թինա Կանդելակին կարգելվի մուտք գործել Ղազախստանի տարածք։ Այս մասին հայտնում է KazTAG գործակալությունը՝ հղում անելով հանրապետության ԱԳՆ-ին։

«Եթե անհրաշետ է՝ միջոցներ կձեռնարկվեն։ Այսօր կամ վաղը մեզանից մի պահանջեք այն (մուտքը մերժվածների ցուցակը), բայց պետությունը դա երբեք չի ների, նա կարող է չգալ Ղազախստան, բայց եթե որոշի գալ, նրան ներս չեն թողնի»,- ասվում է հայտարարության մեջ։

Գործակալության տվյալներով՝ պատժամիջոցների պատճառ կարող էր դառնալ Ղազախստանում «ռուսաց լեզվի դուրս մղման մասին» Կանդելակիի հրապարակումը:

Ավելի վաղ Ղազախստանի արտաքին գործերի նախարարությունը հերքել էր օտարերկրացիների մուտքը երկիր արգելելու մասին լուրը:

Հաղորդվում է նաև, որ Ղազախստանի իշխանությունները կշարունակեն ապահովել հանրապետության բազմաէթնիկ ժողովրդի բոլոր ներկայացուցիչների իրավունքներն ու շահերը: