Կարծես խոսքն ինչ-որ շահութաբեր բիզնես-նախագծի մասին է․ Լավրով
ԱՄՆ-ի կողմից Ուկրաինային օգնության դիրքավորումը հիշեցնում է ոչ թե ռազմական գործողությունների ֆինանսավորում, այլ շահութաբեր բիզնես-նախագիծ։ Այս մասին հայտարարել է Ռուսաստանի արտգործնախարար Սերգեյ Լավրովը:
«Պարոն Բլինկինը՝ ԱՄՆ պետքարտուղարը, ուշադրություն է հրավիրում այն փաստի վրա, որ Ուկրաինային օգնության շարունակումը ԱՄՆ-ում նոր աշխատատեղերի ստեղծման երաշխիք է։ Կարծես խոսքը ոչ թե Ուկրաինայում հարյուր հազարավոր կյանքեր խլած պատերազմի ֆինանսավորման մասին է, այլ ինչ-որ շահութաբեր բիզնես-նախագծի»,- ասել Է Լավրովը ՄԱԿ-ի Անվտանգության խորհրդի՝ Ուկրաինայի հարցով նիստում։
Նա հիշեցրել է, որ Ուկրաինայում ԱՄՆ-ի ձեռնարկատիրական գործունեության վառ օրինակ է գործարար Ջորջ Սորոսի կառույցների կողմից սևահողերի ստացումը արևմտյան քիմիական արդյունաբերության թափոնների թաղման համար:
«Ուկրաինական խոշոր գործարանների և ընկերությունների մեծ մասը, այդ թվում՝ լիթիումի արտադրությամբ, վաճառվել են նույն ամերիկացիներին։ Բերրի հողերն իրենց իսկ կողմից անժամկետ վարձակալության են հանձնվել, ինչպես մեզ մոտ են ասում, էժան գնով»,- հավելել Է Լավրովը։
