Դոնեցկի շուկայում ուկրաինական հարվածի հետևանքով զոհերի թիվը հասել է 27-ի

 Դոնեցկի Ժողովրդական Հանրապետության (ԴԺՀ) ղեկավար Դենիս Պուշիլինը հայտնել է, որ Դոնեցկի շուկայում ուկրաինական զինված ուժերի հարվածի հետևանքով զոհերի թիվը հասել է 27-ի։ Ընդհանուր առմամբ, ըստ նրա, հունվարի 21-ին Ուկրաինայի կողմից գնդակոծության հետեւանքով զոհվել է շրջանի 28 բնակիչ։

 «Ուկրաինայի զինված ուժերի կողմից Դոնեցկի Տեքստիլշչիկ միկրոշրջանում հրետանային կրակի հետևանքով զոհվել է 27 խաղաղ բնակիչ, ևս 25 մարդ տարբեր աստիճանի ծանրության վիրավորվել է, այդ թվում՝ երկու դեռահաս», - գրել է  Պուշիլինը Telegram-ի իր ալիքում։

Նախնական տվյալներով՝ Կուրախովսկի և Կրասնոգորովսկի ուղղություններից 152 մմ և 155 մմ տրամաչափի հրետանու համակցված հարված է հասցվել միկրոշրջանի վրա, որտեղ գտնվում է շուկան։