Պակիստանի վարչապետը ընդհատել Է այցը Դավոս և շտապ վերադարձել երկիր
Պակիստանի ժամանակավոր վարչապետ Անվաար-Ուլ-Հաք Կակարը ընդհատել է այցը Դավոսի տնտեսական ֆորում և ժամկետից շուտ վերադառնում է Պակիստան՝ Իրանի հետ հարաբերությունների սրման ֆոնին։ Այս մասին հայտնում է The News International թերթը: Տեղեկությունը փոխանցում է ՌԻԱ Նովոստին։
«Կաքարը հինգշաբթի օրը վերադառնում է Պակիստան՝ ընդհատելով իր այցը։ Նա պետք է վերադառնար հունվարի 22-ին։ Պաշտոնյայի խոսքով՝ վարչապետը ցանկացել է վերադառնալ չորեքշաբթի ուշ երեկոյան, սակայն չի կարողացել դա անել չվերթների չվացուցակի պատճառով, քանի որ Շվեյցարիա է մեկնել կոմերցիոն չվերթով»,- հայտնում է պարբերականը։
Իրանի Իսլամական հեղափոխության պահապանների կորպուսը հունվարի 16-ի երեկոյան հայտարարել է, որ բալիստիկ հրթիռներով և անօդաչու թռչող սարքերով հարվածել Է «Ջեյշ ալ-Ադլ» ահաբեկչական խմբավորման հիմնական հենակետին, որը գտնվում է Իրանին սահմանակից Պակիստանի Բելուջիստան նահանգում:
