ՏԵՍԱՆՅՈՒԹ. «Անկախության գոյության ամբողջ ընթացքում ՀՀ ինքնիշխանությունը լղոզել ենք»․ Նիկոլ Փաշինյան
Անկախության գոյության ամբողջ ընթացքում մենք մեկ բան չենք նկատել, որ Հայաստանի ինքնիշխանությունը և տարածքային ամբողջականությունը չենք ֆիքսել, լղոզել ենք, ինչը ֆունդամենտալ պռոբլեմ է։ Այս մասին ԱԺ-Կառավարություն հարցուպատասխանի ժամանակ ասաց վարչապետ Նիկոլ Փաշինյանը։
Վարչապետի դիտարկմամբ՝ հարցին պետք է ճիշտ դիտանկյունից նայել, այսինքն՝ բոլոր գործողությունները, որոնք հիմա կատարում են շարունակում են ուղղված լինել Հայաստանի ինքնիշխանության և տարածքային ամբողջականության հաստատմանը։
«Անվտանգային մարտահրավերների մեջ մեր ռազմավարական ընկալումը հետևյալն է, որ մեր բոլոր դիրքորոշումները և ձևակերպումները պետք է հենվեն լեգիտիմության վրա»,- կառավարության ղեկավարը։
Փաշինյանն անդրադառնալով Ալիևի հայտարարություններին, եթե ՀՀ-ն չտա ճանապարհը Մեղրիի հատվածով, ապա իրենք կօգտվեն Իրանի տարածքով Նախիջևանին միանալու ճանապարհից, պատասխանեց, որ ինչ պայմաններով Իրանն է ճանապարհ տալիս Ադրբեջանին դեպի Նախիջևան, այնպես էլ ՀՀ-ն է պատրաստ տալ այդ անցումը Ադրբեջանի հիմնական հատվածից Նախիջևան։
Հարց հնչեցնող ընդդիմադիր «Հայաստան» խմբակցության պատգամավոր Արթուր Խաչատրյանը համակարծիք չէր Փաշինյանը հետ՝ նշելով, որ Ադրբեջանի և Իրանի հարաբերությունները տարբերվում են հայ-ադրբեջանականից։
Խաչատրյանը հարցրեց, թե Ադրբեջանը կարող է պատերազմ սկսել, նոր անվտանգային իրավիճակ է սկսվել, Հայաստանը ստեղծված իրավիճակում ինչ հակաքայլ է առաջարկում։
Հարցին Նիկոլ Փաշինյանն էլ արձագանքեց․«Այս իրավիճակում, ինչպես և նախկինում մեր դիրքորոշումը պետք է լինի լեգիտիմությունը»։
