Թվում է, թե Դոնալդ Թրամփը պարզապես հաղթել է Այովայում․ Բայդեն
ԱՄՆ գործող նախագահ Ջո Բայդենը իր հակառակորդ և նախկին նախագահ՝ Դոնալդ Թրամփին, ով Այովա նահանգում հանրապետականների մրցավազքում առաջատար դիրքեր է զբաղեցրել, անվանել է առաջիկա նախագահական ընտրություններում ընդդիմության «ակնհայտ ֆավորիտ»: Ամերիկացի առաջնորդի համապատասխան հաղորդագրությունը հրապարակվել է X սոցիալական ցանցում նրա էջում:
«Թվում է, թե Դոնալդ Թրամփը պարզապես հաղթել է Այովայում։ Նա ընդդիմության ակնհայտ ֆավորիտն է այս փուլում»,- գրել Է Բայդենը։
Որոշ ժամանակ առաջ հայտնի դարձավ, որ Այովա նահանգում Հանրապետական կուսակցությունից նախնական ընտրությունների քվեարկության նախնական արդյունքներով ԱՄՆ նախկին նախագահ Դոնալդ Թրամփը առաջատարն է մնացած բոլոր թեկնածուների շարքում: Քաղաքական գործիչը հայտարարել է, որ հպարտություն է զգում քվեարկության այս արդյունքներից: Երկրորդ տեղն առայժմ զբաղեցնում է Ֆլորիդայի նահանգապետ Ռոն Դեսանտիսը։ Առաջատարների եռյակը եզրափակում է ՄԱԿ-ում ԱՄՆ նախկին մշտական ներկայացուցիչ Նիկի Հեյլին:
Bloomberg գործակալությունը նաև հայտնել է, որ Հանրապետական կուսակցությունից ԱՄՆ նախագահի թեկնածու Վիվեկ Ռամասվամին հայտարարել է ընտրություններին մասնակցությունն ավարտելու մասին:
