Թրամփը պատմել է, թե ինչ հարաբերություններ ունի Պուտինի հետ

ԱՄՆ նախկին նախագահ Դոնալդ Թրամփը հայտարարել է, որ հրաշալի հարաբերություններ ունի Ռուսաստանի առաջնորդ Վլադիմիր Պուտինի հետ: Այս մասին նա պատմել է իր կողմնակիցներին Այովա նահանգում Հանրապետական կուսակցության փրայմերիզում հաղթելուց հետո։ Տեղեկությունը փոխանցում է gazeta.ru-ն։

«Ես Պուտինի հետ հրաշալի հարաբերություններ ունեմ, մենք լավ ենք համագործակցում»,- ասել Է Թրամփը:

Նա նշել է, որ «դա լավ է, ոչ թե վատ»։

Նաև Այովայում ելույթի ժամանակ ԱՄՆ նախկին նախագահը հայտարարել է, որ աշխարհը երբեք այդքան մոտ չի եղել Երրորդ համաշխարհային պատերազմի սկսվելուն: Քաղաքական գործչի խոսքով՝ ինքը կկանխի այն։

Թրամփը նաև կարծիք է հայտնել, որ այդ հակամարտությունը սկսվելու դեպքում չի ներկայացնի սովորական մարտադաշտ բանակների և երկու հակառակորդների ռազմական տեխնիկայի միջև: Նրա խոսքով՝ այդ իրադարձությունը «շատ ավելի մասշտաբային» կլինի, քան առաջին եւ Երկրորդ համաշխարհային պատերազմները:

Անցյալ տարի ՌԴ նախագահ Վլադիմիր Պուտինը ռազմական թղթակիցների հետ հանդիպման ժամանակ հայտարարել էր, որ երրորդ համաշխարհային պատերազմի դեպքում ոչ ոք չի հաղթի, այդ թվում՝ ԱՄՆ-ը: