Լատվիայում մոտ 800 ռուս թոշակառուների արտաքսում Է սպառնում
Մոտ 800 ռուսաստանցի թոշակառուների կարող են արտաքսել Լատվիայից։ Այս մասին հայտնում է Հանրապետությունում Ռուսաստանի դեսպանատունը Telegram-ի իր ալիքում։ Տեղեկությունը փոխանցում է gazeta.ru-ն։
Դիվանագիտական ներկայացուցչության տեղեկատվության համաձայն՝ արտաքսումը սպառնում է Լատվիայում բնակվող 1167 ռուսաստանցիների:
«Լատվիայում բնակվող Ռուսաստանի 1167 քաղաքացի արտաքսման վտանգի տակ է, նրանցից 789-ը 60 տարեկանից բարձր են»,- ասվում է հաղորդագրության մեջ:
Նշվում է, որ Ռուսաստանի քաղաքացիների արտաքսումը հնարավոր է դարձել 2022 թվականի աշնանը ընդունված «Ներգաղթի մասին» Հանրապետության օրենքում կատարված փոփոխությունների շնորհիվ։
Մինչ այդ զինվորական թոշակառու Բորիս Կատկովը, որին արտաքսել էին Լատվիայի իշխանությունները 57 տարի այդ երկրում ապրելուց հետո, հայտարարել էր, որ շուտով իշխանությունները կսկսեն արտաքսել նաև այլ ռուսաստանցիների:
Նա հավելել է, որ մոտ ժամանակներս պատրաստվում է երկրից դուրս բերել իր ընտանիքին, որի անդամներից շատերը Լատվիայի լիիրավ քաղաքացիներ են: Կատկովը հավելել է, որ Ռուսաստանը պետք է միջոցներ ձեռնարկի հայրենակիցներին փրկելու համար:
