Կիմ Չեն Ընը դիտարկում է Հարավային Կորեայի ամբողջական օկուպացման և այն Հյուսիսային Կորեայի կազմում ընդգրկելու հարցը
Հյուսիսային Կորեայի առաջնորդ Կիմ Չեն Ընը կոչ է արել փոփոխություններ կատարել ԿԺԴՀ սահմանադրության մեջ՝ նշելով Հարավային Կորեան որպես «անփոփոխ գլխավոր թշնամի», ինչպես նաև հավատարմություն հաստատել Հարավային Կորեայի «ամբողջական օկուպացմանը» նույնիսկ պատերազմի դեպքում: Այս մասին հայտնում է Կորեայի կենտրոնական լրատվական գործակալությունը (KCNA):
«Կորեական թերակղզում պատերազմի դեպքում կարևոր է դիտարկել Կորեայի Հանրապետության ամբողջական օկուպացման, ճնշելու, փոփոխելու և այն Հյուսիսային Կորեայի կազմում ընդգրկելու հարցը»,- ասել է Կիմ Չեն Ընը:
Նրա խոսքով՝ Սեուլը ԿԺԴՀ-ի սահմանադրության մեջ պետք է դիտարկվի որպես «մշտական գլխավոր թշնամի»։
Հունվարի 10-ին Կիմ Չեն Ընը հայտարարել է, որ տարածաշրջանում «պատերազմից խուսափելու մտադրություն չունի», մինչդեռ, Հյուսիսային Կորեայի առաջնորդի խոսքով, Փհենյանը չի նախատեսում միակողմանի պատերազմ սկսել Հարավային Կորեայի դեմ։
Նույն օրը Կիմ Չեն Ինն ասել է, որ Կորեայի Հանրապետությունը դարձել է Փհենյանի տեսանկյունից ամենաթշնամական պետությունը։
Ավելի վաղ հաղորդվում էր, որ ԿԺԴՀ-ն վերացնում է միջկորեական գործերի համար պատասխանատու հաստատությունները։
