Զելենսկին նշել Է Ուկրաինայի հաղթանակի գրավականը
Վլադիմիր Զելենսկին հայտարարել է, որ հավատը սեփական ուժերի և Ուկրաինայի հանդեպ կդառնա հաղթանակի գրավականը։ Այս մասին հայտնում է Украинская правда-ն։ Տեղեկությունը փոխանցում է gazeta.ru-ն։
Նրա խոսքով՝ տարվա առաջին երկու շաբաթներն իրեն լավատեսություն են ներշնչում, քանի որ հաջողվել է պայմանավորվել օգնության նոր փաթեթների շուրջ: Նա հայտարարել է, որ երկրի համար պետք է ավելացնեն դրոնների, հրթիռների եւ ռադիոԷլեկտրոնային պայքարի միջոցների արտադրությունը։
Ուկրաինայի առաջնորդը վստահ է, որ երկիրը կարող է միավորել ամբողջ աշխարհը, սակայն թե ինչ նպատակի համար է դա անհրաժեշտ, նա չի հստակեցրել:
Այնուամենայնիվ, Գերմանիայի Բունդեսթագի «Այլընտրանք Գերմանիայի համար» կուսակցության պատգամավոր Էդգար Նաույոկը մինչ այդ քննադատել էր դաշնային կառավարության քաղաքականությունը երկրում բյուջետային ճգնաժամի ֆոնին և հայտարարել, որ Ուկրաինայի ղեկավար Զելենսկին նպատակ ունի միայն «այլ բան վերցնել»:
Քաղաքական գործիչը քննադատել է Գերմանիայի կառավարությանը, որը Կիևին ռազմական օգնության ծախսերը 4 մլրդ եվրոյից հասցրել է 8 մլրդ եվրոյի: Պատգամավորն ընդգծել է, որ գերմանացի ֆերմերների բողոքները կարող են վերջ տալ կառավարության ոչ պիտանի քաղաքականությանը:
