Ջո Բայդենին Լեհաստանում անվանել են «երկնքի նվեր»
Վտանգավոր պահին ԱՄՆ նախագահ Ջո Բայդենը երկնքի նվեր էր Լեհաստանի համար։ Այս մասին Rzeczpospolita պարբերականին տված հարցազրույցում հայտարարել է Լեհաստանի արտաքին գործերի նախարարության ղեկավարի տեղակալ Անջեյ Շայնան։ Տեղեկությունը փոխանցում է gazeta.ru-ն։
«Բայդենը երկնքի նվեր է մեր երկրի համար, և ես հույս ունեմ, որ երկինքը մեզանից շուտ չի խլի այդ նվերը»,- ասել է նա:
Դիվանագետի խոսքով՝ ինքը չի ցանկանում կրկնել «Իրավունք և արդարություն» կուսակցության թույլ տված սխալը, որն անպատասխան սեր ունի Սպիտակ տան նախկին ղեկավար Դոնալդ Թրամփի նկատմամբ և չի ցանկացել ճանաչել Բայդենի հաղթանակները 2020 թվականի ընտրություններից հետո շատ շաբաթների ընթացքում:
