Ինչ է հայտնի ԱՄՆ պաշտպանության նախարարի առողջական վիճակից
ԱՄՆ պաշտպանության նախարար Լլոյդ Օսթինը դեռ բուժման կարիք ունի, հայտնի չէ՝ երբ դուրս կգրվի հիվանդանոցից։ Այդ մասին ասել է Սպիտակ տան ռազմավարական հաղորդակցության համակարգող Ջոն Քիրբին․
«Բժիշկները կարծում են, որ նա դեռ լրացուցիչ պետք է բուժվի», - հայտնել է Քիրբին՝ CBS News հեռուստաալիքի եթերում։
Հիշեցնենք՝ Օսթինը «շագանակագեղձի քաղցկեղ» ախտորոշմամբ հոսպիտալացված է։ ԱՄՆ պաշտպանության նախարարի հոսպիտալացումը սկանդալ է առաջացրել ամերիկյան կառավարությունում։ Պենտագոնից հայտարարել են, որ մտադիր են հետաքննություն սկսել հոսպիտալացման հանգամանքները պարզելու համար։
