ՏԵՍԱՆՅՈՒԹ․ Հողազավթված հանրային տարածքները փուլ առ փուլ վերադարձնելու ենք երևանցիներին. Տիգրան Ավինյան
Երևանի բակային տարածքներն ու հանգստի գոտիներն ազատվում են ապօրինի կառուցված և նորմերին չհամապատասխանող շինություններից ու ցանկապատված տարածքներից: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը:
«Վստահեցնում եմ, որ հողազավթված հանրային տարածքները փուլ առ փուլ վերադարձնելու ենք երևանցիներին:
Մեր ցանկացած նախաձեռնության հիմքում երևանցու շահն է, քաղաքը նրանց համար բարեկարգ և հարմարավետ դարձնելը»,- գրել է Ավինյանը:
