Դա չի կարող խորը հետևանքներ չունենալ․ Պեսկով

ԱՄՆ-ը Մոսկվային չի տեղեկացրել Սպիտակ տան վարչակազմի կողմից ռուսական ակտիվների առգրավման մասին որոշմանը աջակցելու մասին, Վաշինգտոնի հետ կապի ուղիներ գրեթե չկան: Այդ մասին ՌԻԱ Նովոստիին հայտնել Է ՌԴ նախագահի մամուլի քարտուղար Դմիտրի Պեսկովը:

«Իհարկե, մենք գրեթե չունենք կապի ուղիներ, ոչ ոք ոչ ոքի չի տեղյակ պահել»,- ասել է Պեսկովը։

Ավելի վաղ հայտնել էինք, որ Bloomberg գործակալությունը, վկայակոչելով Սենատի արտաքին հարաբերությունների հանձնաժողովի հասցեին ազգային անվտանգության խորհրդի գրությունը, հայտնել էր, որ Սպիտակ տունը պաշտպանում է օրինագիծը, որն ուղղված է ՌԴ սառեցված ակտիվների բռնագրավմանը:

Միևնույն ժամանակ, Սպիտակ տունը ցանկանում է համակարգել գործողությունները G7-ի այլ երկրների հետ, որպեսզի, մասնավորապես, նվազեցնի օտարերկրյա ներդրողների կողմից ԱՄՆ-ի նկատմամբ վստահության խաթարման ռիսկը, նշում Է գործակալությունը:

«Իհարկե, խոսքը շատ սադրիչ հայտարարության մասին է, որը հայտարարում է մեր սեփականության, մեր ակտիվների նկատմամբ անօրինական գործողությունների հնարավորության մասին։ Դա չի կարող խորը հետևանքներ չունենալ։ Մենք այդ մասին խոսել ենք»,- ՌԻԱ Նովոստիին ասել է ՌԴ նախագահի մամուլի քարտուղար Դմիտրի Պեսկովը։