«Եռակողմ հռչակագրի ընդունումը` այն պայմաններով, մեր քաղաքական մեծ հաջողությունն էր». Ալիև
Եռակողմ հայտարարության ընդունումը, այն պայմաններով ընդունումը, կարծում եմ, մեր քաղաքական մեծ հաջողությունն էր։
Այս մասին տեղական հեռուստաալիքներին տված հարցազրույցում ասել է Ադրբեջանի Հանրապետության նախագահ Իլհամ Ալիևը։ Հակառակորդ երկրի ղեկավարը նշել է, որ եթե Շուշին «չազատվեր օկուպացիայից, մենք չէինք կարողանա հասնել այդ պայմանները հայտարարության մեջ ներառելուն»։
«Այսինքն, մեր հաղթանակը, այն, որ մենք ուժեղ էինք, մեզ թույլ տվեց դրանում ներառել նույնիսկ այն պայմանները, որոնք կապված չէին այս խնդրի հետ, մասնավորապես՝ Զանգեզուրի միջանցքի հետ կապված»,- հավելել է Ադրբեջանի նախագահը։
