ԼՈՒՍԱՆԿԱՐՆԵՐ. Երևանի երաժշտական թիվ 13 հատուկ դպրոցն է՝ պետության և համայնքի դեմքը. Գրիգոր Երիցյան
Երևանի երաժշտական թիվ 13 հատուկ դպրոցից լուսանկարներ են հրապարակել Երևանի ավագանու «Ազգային առաջընթաց» խմբակցության անդամներ Գրիգոր Երիցյանը:
«Երևանի երաժշտական թիվ 13 հատուկ դպրոցն է՝ պետության և համայնքի դեմքը: Փաշինյան, արի՛»,-գրել է Գրիգոր Երիցյանը։
Ավելի ուշ Գրիգոր Երիցյանը հավելել է. «Թարմացում։ ՀՀ Մարդու իրավունքների պաշտպանի գրասենյակից տեղեկացրին, որ զբաղվում են հարցով, արձանագրել են համակարգային և անհետաձգելի լուծում պահանջող մի շարք խնդիրներ»։
Հիշեցնենք, որ Մարդու իրավունքների պաշտպանի ներկայացուցիչները 2023 թվականի դեկտեմբերի 21-ին մշտադիտարկման չհայտարարված այց են իրականացրել ՀՀ կրթության, գիտության, մշակույթի և սպորտի նախարարության «Երևանի երաժշտական թիվ 13 հատուկ դպրոց» ՊՈԱԿ։ Պաշտպանի ներկայացուցիչներն արձանագրել են մի շարք խնդիրներ, որոնց մի մասը համակարգային են և պահանջում են անհետաձգելի լուծումներ։
