Արձանը շատ բնորոշ ու բնութագրական է. Անդրեասյանը` Փարաջանովի արձանի մասին

Սերգեյ Փարաջանովի 100-ամյակի հոբելյանական միջոցառումների բացման շրջանակում Կինոյի տան հարակից հատվածում այսօր՝ հուևնվարի 9-ին, տեղադրվել է Փարաջանովի արձանը: (քանդակագործ՝ Արա Ալեքյան)։

Նշենք, որ բացման արարողությանը մասնակցում էին վարչապետի աշխատակազմի ղեկավար Արայիկ Հարությունյանը, ԿԳՄՍ նախարար Ժաննա Անդրեասյանը:

Անդրադառնալով Փարաջանովի արձանին,ԿԳՄՍ նախարար Ժաննա Անդրեասյանն ասել է. «Արձանը շատ բնորոշ ու բնութագրական է: Պետք է նշեմ, որ մեր ավելի գլոբալ հեռանկարը Կինոյի տան բակում աստղային պուրակ ունենալը, այդտեղ արձանը տեղադրելը եւ հրապարակն անվանակոչելն է: Մեր առաջարկն ուղարկվել է քաղաքապետարան, որով առաջարկվում է, որ դիմացի հրապարակը, որտեղ կտեղադրվի Փարաջանովի արձանը, անվանակոչել Նռան գույնի հրապարակ»: