Սաուդյան Արաբիան կնվազեցնի նավթի գները. ԶԼՄ
Սաուդյան Արաբիան կնվազեցնի նավթի գները գնորդների համար բոլոր տարածաշրջաններում, ներառյալ Էր Ռիադի ասիական առանցքային շուկան, հաղորդում է Bloomberg-ը:
Ըստ ԶԼՄ-ների՝ Saudi Aramco-ն կիջեցնի Arab Light վառելիքի արժեքը մեկուկես-երկու դոլարով՝ մեկ բարելի դիմաց։ Նավթային հսկան նաև զեղչեր է սահմանել դեպի հյուսիս-արևմտյան Եվրոպա, Միջերկրական ծով և Հյուսիսային Ամերիկա փետրվարյան մատակարարումները։
Նավթի համաշխարհային գները 2023 թվականին նվազել են 2020 թվականից ի վեր առաջին անգամ։ Շուկան մինչ այժմ անտեսել է Իսրայելի և ՀԱՄԱՍ-ի միջև պատերազմի վերաբերյալ մտահոգությունները: Կարմիր ծովում հութիների հարվածները նույնպես դեռևս չեն հանգեցրել մատակարարումների խափանումների կամ սպառողական շուկայի մտահոգությունների:
