ՏԵՍԱՆՅՈՒԹ. Իրավիճակը Ճապոնիայի ավերված Վաձիմա քաղաքում` 7,6 մագնիտուդ ուժգնությամբ երկրաշարժից հետո
Իրավիճակը Ճապոնիայի ավերված Վաձիմա քաղաքում` 7,6 մագնիտուդ ուժգնությամբ երկրաշարժից հետո:
Ճապոնիայում երկրաշարժի զոհերի թիվը հասել է 110-ի։ Տեղեկությունը հայտնում է Կիոդո գործակալությունը:
Նշվում է, որ երկրաշարժի հետևանքով տուժածների թիվն այս ժամի դրությամբ 516 է: Ավելի քան 365 տուն մասամբ կամ ամբողջությամբ ավերվել է:
Հիշեցնենք, որ հունվարի 1–ին Ճապոնիայի Իսիկավա պրեֆեկտուրայում մի շարք հզոր երկրաշարժեր են տեղի ունեցել։ Դրանց տրվել է «Երկրաշարժ Նոտո թերակղզում» անվանումը։ Ամենահզորի մագնիտուդը կազմել է 7,6։ Ստորգետնյա ցնցումների հետևանքով շենքեր են ավերվել, դադարեցվել է ճեպընթաց գնացքների երթևեկությունը, ավելի քան 32 հազար տներում անջատվել է էլեկտրաէներգիան։
