Որքան մարդ է եկել կամ գնացել Հայաստանից՝ 2023-ի 11 ամիսներին
2023 թվականի 11 ամիսների դրությամբ 5 միլիոն 44 հազար մարդ է եկել կամ գնացել Հայաստանից։ Այս մասին լրագրողների հետ հանդիպման ընթացքում ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
«Այդ թվի մեջ 34 տոկոսը տեղափոխել են հայկական ավիաուղիները, ինչը բացառիկ ցուցանիշ է»,- նշեց նա։
Նախորդ տարի ցուցանիշը եղել է 24 տոկոս։
Սանոսյանը հավելեց՝ այս տարի գործարկվեց նաև Սյունիքի օդանավակայանը, եղել են դեպքեր, որ եղանակային պայմաններով պայմանավորված՝ չվերթեր չեն իրականացվել։
«Մենք ու Շրջակա միջավայրի նախարարության գործընկերները՝ յուրաքանչյուրս մեր մասով նավիգացիոն ու հիդրոօդերևութաբանական սարքեր-սարքավորումներ պետք է տեղադրենք, դրանք գնման գործընթացում են, 2024 թվականին կիրականացվի ու եղանակային պայմաններից կախվածությունը կփոքրացնենք»,- ասաց նախարարը։
