Որոշ քանակաությամբ էլեկտրական մեքենաներ 2024-ին ՀՀ կներմուծվեն 0 տոկոս մաքսատուրքով
Կառավարությունն իր այսօրվա նիստում որոշեց ՀՀ տարածք ներմուծվող էլեկտրական տրանսպորտային միջոցների նկատմամբ սակագնային արտոնություն կիրառել և հաստատեց ներմուծման ընթացակարգը:
Նախագծով առաջարկվում է ապահովել Հայաստանին 2024-ի համար հատկացված էլեկտրաշարժիչով տրանսպորտային միջոցների ներմուծման սակագնային քվոտայի շրջանակներում 7400 հատ տրանսպորտային միջոցի ներմուծումը մաքսատուրքի 0 տոկոս դրույքաչափի կիրառմամբ։ Այս արտոնությունը տրամադրվում է ֆիզիկական և իրավաբանական անձանց կողմից ներմուծումներ իրականացնողներին։
Որոշման հիմնավորման մեջ նշվում է՝ Եվրասիական միջկառավարական խորհրդում համաձայնություն է ձեռք բերվել երկու տարի ժամկետով երկարաձգել էլեկտրական տրանսպորտային միջոցների ներմուծման արտոնությունը, որի շրջանակներում 2024-2025 թվականներին Հայաստանին սահմանվել է սակագնային քվոտա՝ յուրաքանչյուր տարվա համար համապատասխանաբար 8000 հատ էլեկտրաշարժիչով շարժիչային տրանսպորտային միջոց։
Մնացած 600 հատ քանակությամբ էլեկտրամոբիլների մասով նախատեսվում է պահել ռեզերվ՝ անմիջապես ապրանքանշանից և դիլերական/դիստրիբյուտորական պայմանագրերի հիման վրա ներմուծումներ՝ պաշտոնական ներկայացուցիչներին ապահովագրելու նպատակով։
