Նա ընտրվել է միայն այն պատճառով, որ խոսում էր խաղաղության մասին․ Զախարովա

Զելենսկին Ուկրաինայում ընտրությունների ժամանակ հանդես էր գալիս երկրի երկլեզվության օգտին, իսկ այժմ «մոռացել է» ռուսերենը, որպեսզի նույն ալիքին լինի ուկրաինացի ազգայնականների հետ։ Այս մասին Sputnik-ի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նախօրեին լրագրողներից մեկը մամուլի ասուլիսի ժամանակ Զելենսկուն հարց է տվել ռուսերենով, նա սկսել է լսել ուկրաինացի թարգմանչին։ Զելենսկին պատասխանը տվել է ուկրաիներենով։

«Դա նախատեսված է այն մարդկանց համար, որոնց մոտ ազգայնականությունը դուրս է մղել մնացած ամեն ինչը՝ բարոյականությունը, պարկեշտությունը, նույնիսկ պրագմատիզմը»,- հայտարարել Է դիվանագետը:

Նրա խոսքով՝ ազգայնականությունը, որը տասնամյակներ շարունակ մտցվել է Ուկրաինայի քաղաքացիների գիտակցության մեջ, ստվերել է մարդկանց աչքերը։ Իսկ Զելենսկու արարքը նպատակ ունի ցույց տալ նրանց միասնությունը, ովքեր «վարակված են ազգայնականությամբ»։

Զախարովան հիշեցրել է, որ իր նախընտրական արշավում, որը Զելենսկուն իշխանության բերեց, նա հանդես էր գալիս որպես երկրի միավորող և աջակցում էր ռուսալեզու շրջանների բնակիչներին իրենց լեզվով խոսելու իրավունքում: Այս սինթեզը նրա ծրագրի էությունն էր։

Դիվանագետը նշել է, որ հենց այդ պատճառով էլ ընտրվել է Զելենսկին։

«Միայն այն պատճառով, որ նա խոսում էր խաղաղության մասին, և որ նա խոսում էր ռուսաց լեզվի մասին, որ նա ռուսախոս է և որ նա Ուկրաինան գիտի ներսից»,- հայտարարել Է Զախարովան: