Եվրոպան վտանգված է․ Ժոզեպ Բորել
Եվրամիությունը կարող է «անդառնալիորեն վնասվել» Ուկրաինայի հակամարտությունում Ռուսաստանի հաղթանակի և Գազայի հատվածում հակամարտության շարունակման դեպքում։ Այս մասին X սոցիալական ցանցում գրել է եվրոպական դիվանագիտության ղեկավար Ժոզեպ Բորելը։
«Եվրոպան վտանգված է։ Եթե մենք թույլ տանք Ռուսաստանի նախագահ Վլադիմիր Պուտինին հաղթել Ուկրաինայում, եթե թույլ տանք, որ Գազայի ներկայիս ողբերգությունը շարունակվի, եվրոպական նախագիծը կարող է անդառնալիորեն վնասվել»,- գրել է Բորելը։
Նա եվրոպացիներին առաջարկել է թևերը «քշտել»՝ իրադարձությունների նման զարգացումից խուսափելու համար։
