Վստահ եմ՝ մեր բոլոր նպատակներին մենք անպայման կհասնենք․ Պուտին
Ռուսական բանակը կկատարի հատուկ գործողության բոլոր խնդիրները։ Այս մասին հայտարարել է Ռուսաստանի նախագահ Վլադիմիր Պուտինը Ռուսաստանի հերոսների պարգեւատրման ժամանակ։ Տեղեկությունը փոխանցում է ՏԱՍՍ-ը։
«Վստահ եմ, որ մեր բոլոր նպատակներին մենք անպայման կհասնենք, հուսալիորեն կպաշտպանենք մեր ինքնիշխանությունն ու հայրենիքի անվտանգությունը»,- ասել է երկրի ղեկավարը՝ հստակեցնելով, որ գիտի բոլոր մարտիկների ու հրամանատարների տրամադրվածությունը:
Ռուսաստանի ղեկավարի խոսքով՝ ամբողջ երկիրը հպարտանում է իր հերոսներով, որոնք ստիպված են «գործել բարդ մարտական իրավիճակում», դիմակայել լուրջ փորձությունների:
