Հայաստանին նոր պատերազմի չհրահրել․ Ադրբեջանի ԱԳ փոխնախարարը՝ Ֆրանսիային
Ֆրանսիայի քաղաքականությունը Հայաստանի նկատմամբ կարող է հանգեցնել զինված հակամարտության վերսկսման։ Ադրբեջանի արտաքին գործերի փոխնախարար Էլնուր Մամեդովը կոլումբիական NTN24 հեռուստաալիքին տված հարցազրույցում Երեւանին նոր պատերազմի չհրահրելու կոչ է արել: Տեղեկությունը փոխանցում է lenta.ru-ն։
«Հայաստանին պաշտպանական և հարձակողական սպառազինություն մատակարարող Ֆրանսիայի գործողությունները չեն նպաստում Հարավային Կովկասի տարածաշրջանում խաղաղության հաստատմանը»,- ասել է նախարարը:
Մամեդովը հայտարարել է, որ ադրբեջանական հողերը տուժել են «հայկական օկուպացիայի ծանր հետևանքներից»:
«Տեղային հակաահաբեկչական միջոցառումները, որոնք անցկացվել են այս տարվա սեպտեմբերին, ուղղված են եղել բացառապես անջատողականների անօրինական զինված կազմավորումների դեմ»,- ընդգծել է Ադրբեջանի փոխարտգործնախարարը:
