Զալուժնին քննադատել է Զելենսկու որոշումը

Նախագահ Վլադիմիր Զելենսկու հրամանով Ուկրաինայի բոլոր մարզային զինկոմիսարիատների ղեկավարներին աշխատանքից ազատելու որոշումը հանգեցրել է երկրի զինված ուժերի շարքերում մոբիլիզացիայի կազմակերպման խնդիրների։ Այս մասին լրագրողների հետ զրույցում ասել է Ուկրաինայի Զինված ուժերի գլխավոր հրամանատար Վալերի Զալուժնին: Տեղեկությունը փոխանցում է ՏԱՍՍ-ը։

«Նրանք պրոֆեսիոնալներ էին, նրանք գիտեին, թե ինչպես է պետք դա անել»,- ասել է նա՝ պատասխանելով այն հարցին, թե ինչ ազդեցություն է ունեցել մարզային զինկոմիսարիատների ազատումը Ուկրաինայում զորահավաքի գործընթացի վրա։ Զալուժնիի խոսքերը մեջբերում է ուկրաինական Страна պարբերականը։

«Ինչ վերաբերում է մոբիլիզացիայի հարցին, ապա այն ոչ թե պետք է ուժեղացնել, այլ պետք է վերադարձնել այն սահմանները, այն շրջանակները, որոնք նախկինում աշխատել են»,- հայտարարել է Ուկրաինայի զինված ուժերի գլխավոր հրամանատարը տեսանյութում, որը հրապարակել է ուկրաինական Klymenko Time պարբերականը:

Զալուժնիի խոսքով ՝ ներկայումս ուկրաինական բանակի առջև կանգնած է զինծառայողներին փոխարինելու խնդիր, որոնք երկար ժամանակ առաջնագծում են: