Պատրաստ ենք կրկին ակտիվացնել ստամբուլյան գործընթացը, եթե կողմերից խնդրանք լինի․ Էրդողան
Թուրքիան պատրաստ է կրկին ակտիվացնել Ուկրաինայի կարգավորման ստամբուլյան գործընթացը: Այս մասին հայտարարել է Թուրքիայի նախագահ Ռեջեփ Թայիփ Էրդողանը: Տեղեկությունը փոխանցում է ՌԻԱ Նովոստին։
«Մենք ուշադրություն ենք դարձնում Ուկրաինայում հակամարտության դիվանագիտական լուծմանն ուղղված ջանքերին ուշադրություն դարձնելու անհրաժեշտությանը։ Մենք պատրաստ ենք կրկին ակտիվացնել կիսով չափ ավարտված ստամբուլյան գործընթացը, եթե կողմերից խնդրանք լինի»,- հայտարարել Է Էրդողանը Հունգարիայի վարչապետ Վիկտոր Օրբանի հետ համատեղ մամուլի ասուլիսի ժամանակ։
Ռուսաստանի նախագահ Վլադիմիր Պուտինն ավելի վաղ հայտարարել էր, որ 2022 թվականի մարտին Ստամբուլում կայացած բանակցությունների ընթացքում համաձայնեցվել են Ուկրաինայում ապառազմականացման հարցերը, բայց «հետո այդ պայմանավորվածությունները նետել են վառարանը», և այժմ կարելի է պայմանավորվել կամ հարցը լուծել ուժային ճանապարհով։
