Նրան մանիպուլացնում են, օգտագործում․ Լավրով
Ուկրաինայի պաշտպանության նախարարության հետախուզության գլխավոր վարչության ղեկավար Կիրիլ Բուդանովի կապերը ԱՄՆ-ի հատուկ գործողությունների ուժերի հետ ցույց են տալիս, որ Ուկրաինան միայն խաղազինվոր է Արևմուտքի ձեռքում։ Այս մասին Առաջին ալիքի եթերում հայտարարել է արտգործնախարար Սերգեյ Լավրովը: Տեղեկությունը փոխանցում է ՌԻԱ Նովոստին։
«Բուդանովը, իմ կարծիքով, ընդհանրապես չթաքցնելով, անկեղծորեն խոստովանել է, որ աշխատում է ամերիկյան հատուկ գործողությունների ուժերի ղեկավարության հետ»,-ասել է նա:
Լավրովը հավելել է, որ Ուկրաինայի զինված ուժերին կից ստեղծվել են հատուկ ստորաբաժանումներ՝ ԿՀՎ-ի և MI6-ի հետ սերտ համակարգման համար:
«Այս ամենը, անշուշտ, ցույց է տալիս, որ Ուկրաինան անվստահ երկիր է, որ նրան մանիպուլացնում են, օգտագործում»,- բացատրել է նա:
Լավրովն ավելի վաղ ընդգծել էր, որ ԱՄՆ-ն ղեկավարում է Ուկրաինայում Ռուսաստանի դեմ պատերազմը և կոչ էր անում ՆԱՏՕ-ին և ԵՄ-ին գիտակցել հակամարտության լիակատար փակուղին, որը նրանք նախաձեռնել էին Ռուսաստանի դեմ Զելենսկու ռեժիմի ձեռքով:
