ՏԵՍԱՆՅՈՒԹ․ Երևան-Սևան մայրուղում երթևեկությունը կաթվածահար է․ ձկնորսները երկկողմանի փակել են ճանապարհը
Լարված իրավիճակ է ստեղծվել Գեղարքունիքի մարզում. մարզի մի քանի գյուղերի բնակիչներ՝ ի նշան բողոքի, երկկողմանի փակել են Երևան-Իջևան ավտոճանապարհի Գագարին բնակավայրի գլխավոր ճանապարհը:
Երթևեկությունը կաթվածահար են արել գյուղացիները։
Նրանք բողոքում են այն բանի դեմ, որ կառավարությունն արգելում է իրենց ձկնորսությամբ զբաղվել։
Ներկա պահին այդ հատված են ժամանել իրավապահները և բանակցում են բողոքի ակցիա իրականացնողների հետ։ Ցուցարարները հրաժարվում են ճանապարհը բացել և պահանջում են հանդիպում Գեղարքունիքի մարզպետ Կարեն Սարգսյանի և շրջակա միջավայրի նախարար Հակոբ Սիմիդյանի հետ։
Դեպքի վայրից տեսանյութ է հրապարակել փաստաբան, «Արդար Հայաստան» կուսակցության ղեկավար Նորայր Նորիկյանը՝ նշելով, որ այսպիսի միջոցներով խնդիրները դժվար թե լուծվեն։
