Քաղաքապետարանի հաշվեկշռում գրանցված կենդանիների խնամքի կենտրոնից գումար ու փաստաթղթեր են գողացել

SHAMSHYAN-ի տեղեկություններով՝ դեկտեմբերի 13-ին ՀՀ ներքին գործերի նախարարության ոստիկանության Շենգավիթի բաժին է դիմել Երևանի բնակիչ 27-ամյա Հարություն Առաքելյանը և հայտնել, որ դեկտեմբերի 12-ի ժամը 23։00-ից միչև դեկտեմբերի 13-ի ժամը 08։00-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ բացել են Արցախի 4-րդ նրբանցքում գործող Երևանի քաղաքապետարանի «Կենտրոն» ՀՈԱԿ կենդանիների խնամքի կենտրոնի դուռը, մտել ներս և այնտեղից գողացել չհրկիզվող պահարանը։

Աղբյուրի հաղորդմամբ՝ տեղում Հ․ Առաքելյանը ոստիկաններին հայտնել է, որ չհրկիզվող պահարանում եղել է փաստաթղթեր, գումար և վառելիքի կտրոններ։

Դեպքի փաստով ոստիկանության Շենգավիթի բաժնում փաստաթղթեր են ձևակերպվել, որոնք փոխանցվել են Հայաստանի Քննչական կոմիտեի Երևան քաղաքի քննչական վարչության Շենգավիթի քննչական բաժին։