Իսրայելը կշարունակի ռազմական գործողությունները ՀԱՄԱՍ-ի դեմ Գազայի հատվածում մինչև հաղթանակ՝ չնայած միջազգային ճնշմանը։ Այսպիսի հայտարարություն է արել Իսրայելի վարչապետ Բենիամին Նեթանյահուն՝ հրեական պետության հարավում գտնվող ռազմաբազա կատարած այցի ժամանակ։

«Մենք շարունակելու ենք մինչև վերջ, ես սա ասում եմ միջազգային ճնշման պայմաններում, մեզ ոչինչ չի խանգարի, մենք գնալու ենք մինչև հաղթանակ»,- դիմելով զինվորականներին՝ ասել է վարչապետը։