ՏԵՍԱՆՅՈՒԹ․ Հզոր անտառային հրդեհ՝ Չիլիում․ հրկիզման մեջ կասկածվողը ձերբակալվել է

Չիլիի կենտրոնական մասում գտնվող Վալպարաիսո շրջանում անտառային հրդեհների հետեւանքով առնվազն 7 մարդ Է տուժել։ Այս մասին հաղորդում է ՌԻԱ Նովոստին՝ վկայակոչելով BiobioChile ռադիոկայանին:

Աղբյուրի փոխանցմամբ՝ կրակն ընդգրկել է մոտ 500 հեկտար տարածք, վնասվել են Լիմաչե կոմունայի տասնյակ տներ: 

«Կրակի մարման ժամանակ երկու հրշեջներ այրվածքներ են ստացել, տուժել է առնվազն յոթ մարդ»,- ասվում է հրապարակման մեջ:

Իշխանություններն արդեն տարհանել են 300 մարդու, հրդեհը ոչնչացրել է 20 առանձնատուն, գրում են տեղական լրատվամիջոցները։ Բացի այդ, փակվել է մայրուղին, Մարգա-Մարգա նահանգում տագնապի «կարմիր» աստիճան է հայտարարվել։

Հաղորդվում է նաև, որ հրկիզման մեջ կասկածվողը ձերբակալվել է: